തൃത്താല: കോടനാട്‌വളവിലുണ്ടായ അപകടത്തില്‍ നഷ്ടമായത് ഒരുകുടുംബത്തിലെ രണ്ടുപേരുടെ ജീവന്‍. കൂറ്റനാട്ട്‌പോയി ബൈക്കില്‍ വരികയായിരുന്ന ചെങ്ങണംകോട്ടില്‍ മുഹമ്മദാലിയും മരുമകന്‍ ഷാനുവും കുടുംബങ്ങളുടെ അത്താണിയായിരുന്നു. മേഴത്തൂര്‍കോളനിക്കാരുടെ ഇടയിലെ പ്രശ്‌നങ്ങളിലെല്ലാം ഇടപെടുന്ന ഷാനു ഓട്ടോഡ്രൈവറായിരുന്നു. സാമ്പത്തികമായി പിന്നാക്കംനില്‍ക്കുന്ന കുടുംബത്തിന് ഷാനു ഡ്രൈവറായതോടെയാണ് അല്പം ആശ്വാസമായത്.അലി ദീര്‍ഘകാലമായി അറവുശാലയിലും പിന്നീട് വിദേശത്തും തൊഴിലെടുത്തിട്ടുണ്ട്. സഹോദരി സുഹറയുടെ വീടിനടുത്തായിരുന്നു ആദ്യം താമസിച്ചിരുന്നത്. ഏതാനും മാസമായിട്ടാണ് ഇവിടെനിന്ന് താമസംമാറ്റിയത്.
ജനങ്ങള്‍ക്കിടയില്‍ എപ്പോഴും സജീവമായിരുന്ന ഷാനുവും അലിയും ഓര്‍മ്മയായത് ഇവര്‍ക്ക് ഉള്‍ക്കൊള്ളാനായിട്ടില്ല. തൃത്താല പോലീസ് ഇന്‍ക്വസ്റ്റ് നടത്തി.
No comments:
Post a Comment